+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Өзбекстанда Сардоба су қоймасына қатысты қылмыстық іс бойынша екі күдікті қамауға алынды

2020 жылғы 23 мамыр 12:24
Бөлісіңіз:
Өзбекстанда Сардоба су қоймасына қатысты қылмыстық іс бойынша екі күдікті қамауға алынды

ТАШКЕНТ. ҚазАқпарат - Өзбекстан Реуспубликасының Бас прокуратурасы Сардоба су қоймасына қатысты қылмыстық істі тергеу барысы жөнінде ресми мәлімет таратты, деп хабарлайды ҚазАқпарат ведомствоның Telegram-дағы парақшасына сілтеме жасап.

«Сырдария облысының Сардоба су қоймасына қатысты қылмыстық іс бойынша тергеу шаралары жүргізілуде. Қазіргі кезде аталған қылмыстық іс бойынша екі адам күдікті деп танылды, оларға қатысты «қамауға алу» бұлтартпау шарасы қолданылды.

Шындықты анықтауға кедергі туындамауы үшін іс бойынша оған қатысты басқа да мән-жайлары айтылмайды», делінген хабарламада.

Ведомствоның мәліметінше, қазір тергеу амалдары аяқталмаған.

Осы апатқа байланысты қылмыстық іс 3 мамырда қозғалған болатын.

Еске сала кетейік, 2 мамырда Өзбекстанда Сардоба су қоймасының бөгеті жарылып, елді мекендер, коммуникациялық желі, егістікке зақым келген. Соның салдарынан бір күннің ішінде Түркістан облысында 4 ауылды су басып, 620 үй бүлінді. Мақтарал ауданында 2 мамырда түнгі 00:00-де төтенше жағдай жарияланды.

Айта кетерлігі, Сардоба су қоймасына техникалық аудит жүргізіледі, оған Қазақстан тарапы да қатысады.




Біздің каналымызға жазылыңыз:

Бөлісіңіз:

Автор:

Зарина Туғанбаева

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT