14:02, 02 Маусым 2022 | GMT +6
Өзбекстанда азаматтық қару мен оқ-дәрілерді сыйлауға тыйым салынды
ТАШКЕНТ. ӨзА- ҚазАқпарат - Өзбекстан Республикасында азаматтық қару мен оқ-дәрілерді сыйлауға тыйым салынды. Бұл туралы ҚазАқпарат ӨзА сілтеме жасап хабарлайды.
Агенттіктің хабарлауынша, 31 мамырда Өзбекстан Президенті қол қойған заң бірқатар заңнамалық актілерге өзгерістер мен толықтырулар енгізді.
Әкімшілік құқықбұзушылық туралы кодекске енгізілген өзгертулерге сай, атыс қаруын, пневматикалық винтовка мен патрондарды ақысын төлеу шартымен алып қою немесе тәркілеуге негізгі күнкөріс көзі аңшылық болып табылатын адамдарға қолданылуға болмайды деп көрсетілген.
Аңшылық және балық аулау, сондай-ақ жануарлар дүниесін пайдаланудың басқа да түрлерін жүзеге асыру ережелерін бұзғаны үшін әкімшілік жауапкершілік күшейтілді.
Сонымен бірге, «Қару туралы» заңға енгізілген өзгертулерге сәйкес, Өзбекстан аумағында азаматтық қару мен оның патрондарын сыйға беруге тыйым салынған.
Азаматтар және арнайы қызметтері бар заңды тұлғалардың қызметкерлері қаруға иелік ететін қарсы нұсқама болмағаны үшін мерзімді медициналық тексеруден өтеді.
Фото: russiaedu.ru