+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Оралдық волонтер жастар майдангерлерге қолұшын беруде

2020 жылғы 18 наурыз 14:41
Бөлісіңіз:
Оралдық волонтер жастар майдангерлерге қолұшын беруде

ОРАЛ. ҚазАқпарат – Оралдық ерікті жастар қалада тұратын майдангерлерге қолұшын беруде, деп хабарлайды ҚазАқпарат тілшісі.

Орал қалалық жастар ресурстық орталығы жастар бастамаларын қолдау бөлімінің басшысы Дулат Жүсіпқалиевтің айтуынша, Екінші дүниежүзілік соғыс ардагерлеріне арнайы әлеуметтік төлқұжат әзірленді.

«Орал жастары» волонтерлік қозғалысының мүшелері қаладағы 48 майдангерге жеке-жеке бекітіліп, мекенжайлық көмек көрсету шараларын қолға алды.

Жыл басынан бері «Ардагерлерді ардақтайық», «Батырлар жолы» акциялары жүзеге асып жатыр.

«Qamqor» жалпыұлттық жобасы аясында азық-түлік жеткізіп, үй тұрмысына жәрдемдесудеміз. Коронавирусқа байланысты сақтандыру шаралары қолға алынуда. Алдағы жұма күні медициналық маскалар мен антисептиктер келеді, соларды таратамыз», деді ҚазАқпарат тілшісіне Д.Жүсіпқалиев.

Еріктілердің бірі – М.Өтемісов атындағы Батыс Қазақстан мемлекеттік университетінің 1-курс студенті Ақторғын Берікова.

«Майдангерлердің үйіне барып, қал-жағдайын сұрап, не керек екенін сұрап білеміз. Соған қарай көмек көрсетіледі. Мысалы, Екінші дүниежүзілік соғысқа қатысқан Борис Сергеевич Шолубай, Петр Михаилович Дичанскийлердің үйінде болдық. Көпті көрген аталардың алдын көріп, алғысын алу да бір ғанибет қой. Коронавирусқа байланысты қауіпсіздік шараларына да атсалысатын боламыз. Қазір өзіміз қашықтықтан білім алудамыз», - дейді А.Берікова.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT