09:00, 30 Қаңтар 2020 | GMT +6
Оралда жас жүргізуші «Тойотамен» әйелді қағып кетті
ОРАЛ. ҚазАқпарат – Оралда жас жүргізуші атвокөлігімен әйелді қағып кетті, деп хабарлайды ҚазАқпарат тілшісі.
Батыс Қазақстан облыстық полиция департаментінің баспасөз қызметінен түскен мәліметке қарағанда, оқиға 28 қаңтар күні сағат 02.51 шамасында болды.
1996 жылғы жүргізуші «Toyota Land Cruiser 200» автокөлігімен Құрманғазы мен Н.Савичев көшелерінің қиылысында белгіленбеген жерден өтіп бара жатқан 1984 жылғы әйелді қағып кетті.
Оқиға салдарынан жаяу жүргінші жедел жәрдем келгенге дейін көз жұмды.
Автокөлік арнайы тұраққа қойылды.
Медициналық куәландыру бойынша жүргізуші ішімдік ішпеген.
Аталған дерек бойынша ҚР ҚК 345-бабы 3-бөлігіне сәйкес тергеу амалдары жүргізілуде.