10:53, 04 Сәуір 2020 | GMT +6
Оралда бос тұрған ғимарат өртенді
ОРАЛ. ҚазАқпарат – Оралда бос тұрған ғимарат өртенді, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 3 сәуір күні сағат 21.26-да Сырым Датұлы көшесі 41/7 мекенжайында орын алды.
Ғимараттың төбесі отқа оранды. Жалын шарпыған аумақ 80 шаршы метр.
Ғимараттың жалпы алаңы – 180 шаршы метр.
«Тілсіз жау» өрт сөндірушілердің күшімен (16 адам, 4 техника) сағат 22.23-те ауыздықталды.
Зардап шеккендер жоқ.
Еске сала кетейік, бұдан бұрын БҚО-да автокөліктің өртенгенін жазған болатынбыз.