01:41, 07 Шілде 2020 | GMT +6
Оралда 5 жасар бала төртінші қабаттан құлап кетті
ОРАЛ. ҚазАқпарат – Оралда бес жасар бала төртінші қабаттағы терезеден құлап кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткендей, оқиға 5 шілде күні сағат 16.22-де 9-шағынаудандағы тоғыз қабатты үйде болды.
Ата-анасының қарауынсыз қалған 2015 жылғы ер бала 4-қабаттағы терезеден құлаған. Ауруханаға жатқызылған баланың жағдайы орташа ауыр.
Өкінішке қарай, мұндай оқиға Оралда азаймай отыр.
Еске сала кетейік, бұдан бұрын Оралда екі жасар қыз баланың екінші қабаттағы терезеден құлап кеткенін жазған болатынбыз.