+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Оралда 16 жастағы жасөспірім қыз өз үйінен кетіп қалған

2021 жылғы 17 қыркүйек 22:55
Бөлісіңіз:
Оралда 16 жастағы жасөспірім қыз өз үйінен кетіп қалған

ОРАЛ. ҚазАқпарат – Орал қаласында 16 жастағы жасөспірім қыз өз үйінен кетіп қалған, деп хабарлайды ҚазАқпарат тілшісі.

Ұқсас жаңалықтар
Ералы Тоғжанов Орал қаласында өнер сарайының ашылуына қатысты Өскеменде үйінен қашқан 8-сынып оқушысы Алматыда тұрмысқа шығып кеткен

БҚО полиция департаментінің баспасөз қызметі мәлім еткеніндей, оқиға 15 қыркүйек күні болды.

Сағат шамамен 21.30-да 1985 жылғы тұрғын 102 телефонына қоңырау шалып, қызының таңертең мектепке кеткеннен оралмағанын хабарлады.

Сол бойда Орал қаласы полиция басқармасының ювенальды полиция бөлімінің қызметкерлері іздестіру жұмыстарын ұйымдастырды.

Көп ұзамай жасөспірім қыз аман-есен табылды. Оның психологиялық жай-күйі ескеріліп, қиын жағдайға тап болған балаларды қолдау орталығына орналастырылды.

Қазіргі кезде қыздың мұндай әрекетінің себебі анықталуда.

Облыста жыл басынан бері 28 жасөспірімнің үйінен өз бетімен кетіп қалғаны тіркелді. Олардың бәрі табылып, үйлеріне қайтарылды.

Өңірде 13-19 қыркүйек аралығында жасөспірімдер қылмысын ашу және алдын алу мақсатында «Жасөспірім» іс-шарасы өткізілуде.

Іс-шара барысында мекенжайы бойынша 52 жасөспірім мен 71 қолайсыз отбасы тексерілді. 6 жеткіншек профилактикалық есепке қойылды. ҚР Әкімшілік құқықбұзушылық кодексі 127-бабын (кәмелетке толмаған адамды тәрбиелеу және оның құқықтары мен мүдделерін қорғау жөніндегі міндеттерді орындамау) бұзушылықтың 6 дерегі анықталды. Сондай-ақ 71 жасөспірімнің түнгі мезгілде заңды өкілдерінсіз жүргені, тағы үшеуінің алкоголь ішімдіктерін ішкені белгілі болды.

Еске сала кетейік, бұдан бұрын Оралда 22 жастағы қызды өлтірген күдікті ұсталғанын жазған болатынбыз.

Сондай-ақ Оралда пойыз қағып кеткен ер адам көз жұмды.




Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT