+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Өмірзақ Шөкеев су тасқыны мәселесін реттеу бойынша Өзбекстанға барды

2020 жылғы 3 мамыр 16:39
Бөлісіңіз:
Өмірзақ Шөкеев су тасқыны мәселесін реттеу бойынша Өзбекстанға барды

МАҚТААРАЛ. ҚазАқпарат – Түркістан облысының әкімі Өмірзақ Шөкеев пен «Қазсушар» мекемесінің басшылары бүгін Мақтаарал ауданындағы су тасқыны мәселесін реттеу бойынша Өзбекстанның Сырдария облысына аттанып кетті. Бұл туралы облыс әкімінің орынбасары Сәкен Қалқаманов кезекті брифинг барысында мәлімдеді, деп хабарлайды ҚазАқпарат тілшісі.

Сәкен Қалқамановтың айтуынша, Қазақстаннан тасқын суды тоқтату бойынша барған топ тиісті министрлік өкілдерімен кездесіп, келіссөздер жүргізеді. Су босату жұмыстарын бір жүйеге келтірмек.

«Арнайы топ Өзбекстанның су министрі Хамраевпен және Сырдария облысының басшылығымен кездесіп, келіссөздер жүргізеді. Бұл кездесудің нәтижесін біз қосымша хабарлайтын боламыз. Жалпы бұл жағдай екі елдің үкіметі тарапынан талқыланып, шешілетін болады. Соңғы мәлімет бойынша бүгінгі күнге дейін ауданға 300 млн текше метрдей су келген. Мұндай көлемдегі су алғаш рет болып отыр. Десе де қауіп әлі сейілген жоқ деп айтуға болады. Өйткені Өзбекстан тарапынан әлі қанша су келетіні белгісіз. Нақты ақпарат бүгін ғана берілетін шығар, сонда біз болжам жасай аламыз. Себебі Өзбекстанмен су туралы мәлімет алмасу бір жүйеге келтірілмеген», - деді Сәкен Қалқаманов.

Оның айтуынша, Фердоуси ауылын толықтай су басқан. Мырзакент ауылын да толықтау су басып қалмас үшін бөгет салынуда.

«Мақтаарал ауданында тағы су тасқыны болуы мүмкін деген жеті елдімекен анықталып, онда малды басқа жаққа айдалып жатыр. Ал, су басқан ауылдардан 3 115 сиыр, 1 101 жылқы, 585 қой, 34 түйе көшірілген. Суға кеткен малдың саны әзірге белгісіз. Бұл жұмыстарға тасқын судың әлі де тоқтамай тұрғаны қолбайлау болуда. Өлген мал басын санау кейін жүргізіледі», дейді Сәкен Қалқаманов.


Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT