17:39, 14 Сәуір 2021 | GMT +6
ОАР-дағы өрт тоғыз адамның өмірін жалмады
ПРЕТОРИЯ. ҚазАқпарат – Сәрсенбі күні ОАР-дың ірі қаласы Йоханнесбургтың орталық бөлігінде болған өрттен тоғыз адам қаза тапты. Олардың арасында сәби де бар, деп хабарлайды ҚазАқпарат SABC телерадиокомпаниясына сілтеме жасап.
«Жұмыссыздар тұрған қараусыз қалған екі қабатты үй таңертең отқа оранды. Өрт кезінде ғимаратта 100-ден астам отбасы болған. Адамдар қашып шығу үшін терезелерден секірген. Өрт салдарынан тоғыз адам көз жұмды», - деп мәлім етті мегаполистің шұғыл қызметінің өкілі Нана Радебе.
Йоханнесбургте қазір қылмыс деңгейі жоғары. Көптеген компания кеңселерін қала маңына көшірді.