+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Нұрсұлтан Назарбаев Еуразия медиа форумына қатысушыларды құттықтады

2021 жылғы 16 қыркүйек 11:28
Бөлісіңіз:
Нұрсұлтан Назарбаев Еуразия медиа форумына қатысушыларды құттықтады

НҰР-СҰЛТАН. ҚазАқпарат – ҚР Тұңғыш Президенті – Елбасы Нұрсұлтан Назарбаев XVII Еуразиялық медиа форум қатысушыларына құттықтау лебізін жолдады, деп хабарлайды ҚазАқпарат тілшісі.

Ұқсас жаңалықтар
Бүгін Рим кинофестивалінде Елбасы жайлы фильмнің тұсауы кесіледі Қасым-Жомарт Тоқаев АӨІСШК Ғұламалар кеңесінің басшысы лауазымына Елбасы кандидатурасын ұсынды

«XVII Еуразия медиа форумының қатысушылары мен қонақтарын құттықтағаныма қуаныштымын. Жылдар бойы форум пікір алмасатын танымал медиаалаңға айналды. Белгілі саясаткерлер, сарапшылар және жетекші бұқаралық ақпарат құралдарының өкілдері мұнда әлемдік қоғамдастық үшін ең өзекті мәселелерді қарастырады, оларды шешудің жаңа жолдарын әзірлейді», - деп ҚР Мемлекеттік хатшысы Қырымбек Көшербаев Нұрсұлтан Назарбаевтың құттықтауын оқып берді.

Нұрсұлтан Назарбаев форумның өз тарихында алғаш рет онлайн форматта өтіп жатқанын, бірақ бұл Еуразия мен әлемнің өзекті мәселелерінің маңызы мен кең талқылануына еш әсер етпейтінін атап өтті.

«Биыл Қазақстан өз Тәуелсіздігінің 30 жылдығын атап өтуде. Біз үлкен және күрделі жолдан өттік, онда айтарлықтай барлығы мойындаған нәтижелерге қол жеткіздік. Қазір еліміздің алдында жаңа өршіл мақсат тұр – 2050 жылға қарай әлемнің ең дамыған 30 мемлекетінің қатарына кіру. Әрдайым Қазақстан қозғалысының негізі – халықтың бірлігі болғандықтан, аталған стратегиялық мақсатқа да қол жеткізіледі», - дейді Елбасы.

Нұрсұлтан Назарбаев қазіргі жаһандық сын-қатерлер мен пандемияға қарсы күрес жағдайында ұйымшылдық қағидаты бүкіл адамзат үшін негіз қалаушы болуы керегін айтты.

«Форумның барлық қатысушыларына жемісті пікірсайыс тілеймін. Сіздердің жұмыстарыңыз қазіргі әлемнің одан әрі дамуы тек бірлік, диалог және өзара құрмет арқылы ғана мүмкін болатынын жаһанның ұғынуына қызмет етсін», - деді Елбасы.

Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT