Нұрлан Нығматулин: Мәжіліс сот жүйесін жаңғырту жөніндегі заңнамалық жұмысты жалғастырады

НҰР-СҰЛТАН. ҚазАқпарат - Мәжіліс төрағасы Нұрлан Нығматулин палатаның жалпы отырысында мақұлданған сот жүйелері мен судьялардың мәртебесіне қатысты заң жобаларына қатысты пікір білдірді, деп хабарлайды ҚазАқпарат тілшісі.

Ұқсас жаңалықтар

Мәжіліс депутаттары елорданың су тасқыны қаупі бар аумақтарын әуеден бақылады

Сенат өнім сапасына қатысты заң қабылдады Бензинге төмен бағаны ұстау үшін ішкі жанар-жағармай нарығы субсидияланады Депутаттар бензиннің қымбаттауына қатысты тексеру жүргізуді сұрады

«Аталған заң жобалары сот жүйесін жаңғыртудың жалғасы. Жақында ғана Мемлекет басшысы Қасым-Жомарт Кемелұлы Тоқаев сот жұмысының ашық, әділ және заман талабына сай болуына ерекше назар аударды. Сондықтан, бүгінгі құжаттарда осы талаптарды заң жағынан қамтамасыз етуге арналған маңызды нормалар қамтылды. Енді осы нормалар сот саласына білікті, кәсіби, тәжірибелі, жаңа мамандарды тартуға, сот процесіне жоғары технологиялық мүмкіндіктерді енгізуге жол ашатын болады», - деді Мәжіліс төрағасы.

Осы орайда Н. Нығматулин Мәжіліс сот жүйесіндегі реформаларды заң жағынан қамтамасыз ету жұмыстарын одан әрі жалғастыратынын атап өтті.

Бұдан бұрын хабарланғандай, жалпы отырыста «Қазақстан Республикасының сот жүйесі мен судьяларының мәртебесі туралы» Қазақстан Республикасының Конституциялық заңына өзгерістер мен толықтырулар енгізу туралы» ҚР Конституциялық заң жобасы , сондай-ақ «Қазақстан Республикасының кейбір заңнамалық актілеріне сот жүйесін жаңғырту мәселелері бойынша өзгерістер мен толықтырулар енгізу туралы» заң жобасы бірінші оқылымда мақұлданды.