+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Нұрлан Ноғаев Атырау облысының энергия жүйесі нысандарын аралады

2020 жылғы 27 ақпан 18:37
Бөлісіңіз:
Нұрлан Ноғаев Атырау облысының энергия жүйесі нысандарын аралады

НҰР-СҰЛТАН. ҚазАқпарат - ҚР Энергетика министрі Нұрлан Ноғаев Атырау облысына жұмыс сапары барысында өңірлік энергия жүйесінің нысандарын аралады, деп хабарлайды ҚазАқпарат.

Министрлік баспасөз қызметінің мәліметінше, Атырау жылу-электр орталығында Нұрлан Ноғаевқа кәсіпорынның электр қуатын кеңейту барысы таныстырылды. Инвестициялық жоба 2007 жылы іске асырыла бастады және бірнеше кезеңдерден өтті. Бұл Жоба тек қана Атырау облысы емес, жалпы Қазақстан үшін маңызды. Себебі ол бүкіл елдің энергия қауіпсіздігін қамтамасыз ету үшін жұмыс істейді.

Қосымша турбоагрегаттарды, қазандарды орнату, бу жүктемесін ұлғайту өндірілетін электр қуатын 215 МВт-тан 474 МВт-қа дейін жеткізуге мүмкіндік берді. Бұл кәсіпорын қуатын ұлғайтуға бағытталған барлық жүргізілген жұмыстар емес. Қуаты 60 МВт болатын тағы екі турбоагрегат орнату жоспарланып отыр.

Министрдің атап өтуінше,, жаңа стансалар Атырау облысы экономикасының энергетикалық қуатын арттыруға мүмкіндік береді. Бұл әсіресе энергияға тапшы өңір үшін маңызды саналады.

Энергетика министрі танысқан келесі нысан «SagatEnergy» ЖШС болды. Белгіленген қуаты 10 МВт болатын электр стансасы бүгінгі күні Каспий құбыр желісі консорциумының қажеттіліктерін қамтамасыз етеді. Қазіргі уақытта кәсіпорында қосымша белгіленген қуаты 30МВт-ты құрайтын электр стансасы кеңейту бойынша жұмыстар жүргізілуде.

Жұмыс істеп тұрған газ электр стансасы 2016 жылы қалпына келтірілді. Мамандардың айтуынша, KEGOC кіші стансасына жақын орналасқан икемді жүктеме мүмкіндігі бар жаңа газпоршеньді станса бүкіл Батыс энергия торабы жұмысының тұрақтылығы мен сенімділігін жақсартуға мүмкіндік береді.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT