+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Нобель сыйлығын табыстау рәсімі тағы да өткізілмейтін болды

2021 жылғы 24 қыркүйек 12:01
Бөлісіңіз:
Нобель сыйлығын табыстау рәсімі тағы да өткізілмейтін болды

НҰР-СҰЛТАН. ҚазАқпарат - Нобель сыйлығын табыстау рәсімі пандемияға байланысты тағы да өткізілмейтін болды, деп хабарлайды ҚазАқпарат Reuters агенттігіне сілтеме жасап.

Нобель қоры марапаттау рәсімдерінің былтырғыдай онлайн және офлайн режімінде болатынын мәлімдеді. Осылайша, негізгі рәсім теледидар арқылы және Нобель сыйлығының цифрлық платформалары арқылы тікелей эфирден көрсетіледі.

Өз кезегінде Нобель сыйлығының норвегиялық комитеті әлем сыйлығын жеке шара аясында Осло қаласында табыстау мүмкіндігін қарастырып отыр. Мерекелік рәсімдер әдетте скандинавиялық екі астанада 10 желтоқсанда – сыйлықтың негізін қалаушы Альфред Нобель қайтыс болған күні өткізілетіні атап өтілуде. Стокгольм ратушасында лауреаттардың қатысуымен бейнетаныстырылымдар өткізіледі, сондықтан рәсімге жергілікті аудитория қатысады.

Биылғы жыл лауреаттарының есімдері 4-11 қазан күндері арасында белгілі болады.

Нобель сыйлығы – жыл сайын атақты ғылыми зерттеулер, революциялық өнертабыстар немесе мәдениет не қоғамның дамуына қосқан зор үлес үшін табысталатын беделді әлемдік сыйлық.


Біздің каналымызға жазылыңыз:

Бөлісіңіз:

Автор:

Зарина Туғанбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT