16:22, 12 Желтоқсан 2019 | GMT +6
Нигердегі содырлардың шабуылы: 73 адам қаза тапты
НҰР-СҰЛТАН. ҚазАқпарат – Нигердің батысында содырлар әскери базаға шабуыл жасап, кем дегенде 73 әскери қызметші қаза тапты. Бұл туралы ҚазАқпарат BBC-ге сілтеме жасап хабарлайды.
«Содырлар Нигердің батысындағы әскери базаға шабуыл кезінде кем дегенде 73 сарбазды өлтірді», - делінген хабарламада.
Сондай-ақ, Нигердің қорғаныс министрлігі «көптеген лаңкестердің көзі жойылғанын» мәлім етті.
Қазіргі уақытта бұл шабуыл үшін ешқандай топ жауапкершілікті өз мойнына алған жоқ.