+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Нағыз қиын шақта қолдау болған Жолдау бұл – Ырза Тұрсынзада

2020 жылғы 2 қыркүйек 13:55
Бөлісіңіз:
Нағыз қиын шақта қолдау болған Жолдау бұл – Ырза Тұрсынзада

НҰР-СҰЛТАН. ҚазАқпарат – Сыбайлас жемқорлыққа қарсы іс-қимыл агенттігінің жанынан құрылған республикалық ақпараттық-ағарту штабының төрайымы, «Алтын сапа» сыйлығының иегері, «Құрмет» орденінің кавалері, «Қазақстанның ең үздік өнімінің» 5 дүркін жеңімпазы Ырза Тұрсынзада Мемлекет басшысының Жолдауына қатысты пікір білдірді, деп хабарлайды astana.kz.

Ол Президент Қасым-Жомарт Тоқаевтың коронавирус індеті жағдайындағы Жолдауы халыққа сенім ұялатқанын, біраз көкейтесті, күрделі мәселелердің түйінін шешкенін атап өтті.

Жемқорлық – ұлтымызға жат дүние. Осы орайда, Президент өз Жолдауында қоғамның дамуына, елдің экономикалық-саяси дамуына кедергі келтіретін жемқорлықтан құтылу тетіктерін атап өтті. Агенттік парасат, адалдық, тазалықты дәріптеуде үлкен қызмет атқаруда. Денемен сот органдарына тапсырғанның өзінде жазасынан құтылып кететіндер бар. Қамауға алынғандар мерзімінен бұрын шығып жатыр. Әрине, осыдан кейін жемқорлықты тоқтату мүмкін емес. Прокуратура, сот, агенттік, Президент, бүкіл халық табандылық танытып, ұлттық қозғалыс жасауымыз керек», – деді Ырза Тұрсынзада.

Бұл ретте спикер Президенттің қамауға алынғандарды мерзімінен бұрын бостандыққа шығармау туралы ұсынысын тілге тиек етті.

«Бұл ұсыныстың астарында сананы ояту мәселесі жатыр. Мемлекет басшысының құқық қорғау органдарын сынға алуы өте орынды. Себебі сот, прокуратура өкілдері жемқорлықпен ұсталғандардың жазасын жеңілдетіп, сытылып кетуіне мүмкіндік берді. Енді бұл заң жүзінде қадағаланатын болады. Сондай-ақ жемқорлықпен ұсталғандардың мемлекеттік, квазимемлекеттік секторда жұмыс істеуіне тиым салынғаны, сол бойынша нақты тапсырмалар берілгені де құптарлық жағдай. Кей адамдар жемқорлық деректерін көре тұра, оны айтуды намыс санайды. Бұл – жалған намыс. Мемлекет қаржысын жымқырған қылмыскерді қорғау – Отанды сату деген сөз. Осыған байланысты Президент сыбайлас жемқорлық туралы хабар беріп, агенттікпен бірігіп жұмыс істейтін адамдарды заң жүзінде қорғайтын жүйе қалыптастыру керегін нақты атап өтті», – деді Ы.Тұрсынзада.

Сонымен қатар ол қоғамдық бақылауға қатысты Президент бастамасының айрықша өзектілігіне тоқталды.

«Жолдауда мемлекеттік органдар мен квазимемлекеттік сектордың қоғам алдындағы жауапкершілігі, есеп беруі, қоғамдық қадағалауды заң жүзінде бекіту керектігі айтылды. Қоғамдық бақылау бүгінгі таңда аса қажет. Бүкіл қоғам болып қаражаттың қайда жұмсалып жатқанын қадағалап отырсақ, еліміздің дамуына бірігіп үлес қосар едік. Қоғамдық кеңестердің маңызы күн санап артуда. Қоғам мен мемлекет арасындағы байланыс күшеюде. Президент елдің мұң-мұқтажын тыңдайтын мемлекет қалыптастыру жайлы айтты.

Бұл Жолдауда кәсіпкерлікке ерекше қолдау көрсетілді. Елдегі кәсіпкерлік туралы ақпаратқа қанық екені байқалды. Субсидия мәселесіне, пандемия кезінде табысынан айрылған кәсіпкерлерге үлкен мән берілді. Бұл «Ұран-жолдау» емес, нағыз қиын шақта қолдау болған Жолдау. Осы қойылған мақсаттың барлығы орындалса, біз бүгінгі сынақтан ел болып бірігіп, ұлт боп ұйысып өтетінімізге кәміл сенемін», – деп түйіндеді Ы.Тұрсынзада.



Біздің каналымызға жазылыңыз:

Бөлісіңіз:

Автор:

Ақбөпе Әбдрасул

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT