+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

Мұхтар Тілеуберді Берлинде Орталық Азия елдерінің СІМ басшыларымен кездеседі

2020 жылғы 24 қаңтар 18:35
Бөлісіңіз:
Мұхтар Тілеуберді Берлинде Орталық Азия елдерінің СІМ басшыларымен кездеседі

НҰР-СҰЛТАН. ҚазАқпарат – ҚР Сыртқы істер министрі Мұхтар Тілеуберді Берлинде өтетін Германия, Орталық Азия және Ауғанстан СІМ басшыларының конференциясына қатысады, деп хабарлайды ҚазАқпарат тілшісі.

Ұқсас жаңалықтар
Қасым-Жомарт Тоқаев Канада Премьер-Министрімен кездесті Нұрлан Ноғаев ресейлік әріптесімен кездесті Қазақстан елшісі Хорватияның Сыртқы және еуропалық істер министрімен кездесті

ҚР СІМ ресми өкілі Айбек Смадияровтың айтуынша, 28 қаңтарда Қазақстан Республикасының Сыртқы істер министрі Мұхтар Тілеубердінің Берлинге сапары жоспарлануда.

«Жұмыс сапарының мақсаты - Еуропалық одақтың Орталық Азия елдері мен Ауғанстанға арналған жаңа стратегиясын іске асыру аясындағы Германия бастамашылық еткен климатты қорғау жөніндегі «Жасыл Орталық Азия» жобасының тұсаукесеріне арналған конференцияға қатысу. Іс-шараға Германияның Сыртқы істер министрі Хайко Маас, Еуропа одағының Сыртқы істер және қауіпсіздік саясаты жөніндегі Жоғарғы өкілі Джозеп Боррел, Өзбекстан, Тәжікстан, Қырғызстан, Түрікменстан және Ауғанстанның сыртқы саяси ведомстволарының басшылары, сондай-ақ халықаралық ұйымдар мен зерттеу институттары өкілдерінің қатысуы күтілуде», - деді Айбек Смадияров СІМ-де өткен баспасөз мәслихатында.

Конференция қорытындысы бойынша Орталық Азия аймағындағы экологиялық проблемаларды шешу туралы бірлескен шараларды қарастыратын декларацияға қол қойылмақ.

«Мұхтар Тілеубердінің сапары бағдарламасында Германияның Сыртқы істер министрі Хайко Маас және Германияның Экономика және энергетика министрі Петер Альтмайермен екіжақты кездесулері жоспарланған, олар Қазақстан-Германия ынтымақтастығының өзекті мәселелерін және Қазақстан Республикасының Президенті Қасым-Жомарт Тоқаевтың өткен жылдың желтоқсан айындағы Германияға жасаған ресми сапарында қол жеткізілген екіжақты келісімдердің орындалуын талқылайды деп күтілуде», - деді ол.

Сонымен қатар, Мұхтар Тілеубердінің Берлинге жұмыс сапары аясында неміс бизнесінің басшылығы және аға өкілдерімен кездесуі жоспарланып отыр.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT