19:14, 05 Сәуір 2018 | GMT +6
Мен GGG-ды жеңген сияқты сезінемін - Дэниэл Джейкобс
АСТАНА. ҚазАқпарат - Америкалық боксшы Дэниэл Джейкобс (33-2, 29 КО) поляк Мацей Сулецкиге (26-0, 10 КО) қарсы жекпе-жекке дайындалып жатыр, алайда ол Геннадий Головкинмен (37-0-1, 33 КО) ықтимал реванштың ойында жүргенін айтты, деп хабарлайды Sports.kz.
«Бұл маған мотивация береді. Мен бірінші айқаста GGG-ды жеңген сияқты сезінемін және менің жоспарымда реванштың болғаны баршаға мәлім - бұл жерде жасыратын ештеңе жоқ!», - деп жазды туиттерде оның Matchroom Boxing промоутерлік компаниясы Джейкобстың сөзін келтіріп.
Джейкобс - Сулецки жекпе-жегі 28 сәуірде Бруклинде өтеді (Нью-Йорк, АҚШ).
Еске салайық, Головкин мен Джейкобс 2017 жылдың 18 наурызында Нью-Йоркте айқас өткізген еді. Ол төрешілердің бірауыздан шешімімен қазақстандық боксшының жеңісімен аяқталған.