Мемлекеттік сатып алу: 155 млрд теңгеге қаржылық бұзушылықтар анықталды

None
None
НҰР-СҰЛТАН. ҚазАқпарат – Мемлекеттік сатып алу бағытында жүргізілген камералдық бақылау кезінде 32,4 мың рәсім бойынша бұзушылықтар анықталды. ҚР Қаржы министрі Ерұлан Жамаубаев Үкімет отырысында осындай дерек ұсынды, деп хабарлайды ҚазАқпарат тілшісі.

«Биылғы 9 айдың ішінде 5,7 трлн теңгенің 675 мыңнан аса мемлекеттік сатып алу рәсімі камералдық бақылаумен қамтылды. Тексерулер қорытындысында 32,4 мың рәсім бойынша бұзушылықтар анықталып, оларды жою туралы жіберілген хабарламаның 98% орындалды.

Аудиторлық іс-шарамен 1 трлн 671 млрд теңгенің бюджет қаражаты қамтылып, 155 млрд теңге сомасына қаржылық бұзушылықтар анықталды», - деді министр.

Сондай-ақ, ол тауар жеткізу, қызмет көрсету және орындалған жұмыстарды қалпына келтіру бойынша 123 млрд теңгенің заңсыздығы жойылғанын атады.

«Аудит объектілерінің қызметін жетілдіру және тиімділігін арттыру үшін 2 мыңнан аса ұсыным берілді», - дейі Ерұлан Жамаубаев.


Соңғы жаңалықтар