12:55, 12 Қыркүйек 2021 | GMT +6
Мемлекет отбасы институтын қолдап, кешенді саясат жүргізетін болады - Президент
НҰР-СҰЛТАН. ҚазАқпарат - Мемлекет отбасы институтын қолдап, осы салада кешенді саясат жүргізе беретін болады. Бұл туралы ҚР Президенті Қасым-Жомарт Тоқаев Twitter-дегі жазбасында айтты.
«Баршаңызды Отбасы күнімен құттықтаймын! Бұл мерекенің Отанымыз үшін маңызы айрықша. Бақытты әрі берік шаңырақ – еліміздің игілігі мен өркендеуінің кепілі. Мемлекет отбасы институтын қолдап, осы салада кешенді саясат жүргізе беретін болады» делінген хабарламада.