08:48, 21 Қазан 2020 | GMT +6
Мәслихаттар сайлауы алғаш рет партиялық тізім бойынша өтеді
НҰР-CҰЛТАН. ҚазАқпарат – Алдағы мәслихаттар сайлауы алғаш рет партиялық тізім бойынша өтеді. Бұл туралы ҚР Президентінің Мәжіліс және мәслихат депутаттарының сайлауы туралы үндеуінде айтылған, деп хабарлайды ҚазАқпарат.
«Алдағы мәслихаттар сайлауы алғаш рет партиялық тізім бойынша өтеді. Пропорционалды модель әлемдік демократиялық тәжірибеге толық сай келеді, саяси жүйені нығайтуға, демократияны дамытуға ықпал етеді, саяси партиялардың жұмысын жандандырады. Бұл жаңа бастамалар партияларға еліміздің саяси жүйесіндегі ұстанымын нығайту үшін қосымша мүмкіндіктер береді», - деді ҚР Президенті үндеуінде.