Мәскеуде Қазақстан мен Ресей СІМ басшыларының кездесуі өтіп жатыр

С.Лавров тараптар бірқатар бағыттар бойынша қарқынды байланыстарды, саяси диалог пен өзара іс-қимылды жалғастыратынын мәлімдеді. Бұл ретте бүгін Мәскеуде өтіп жатқан ШЫҰ Сыртқы істер министрлерінің кеңесі толыққанды келіссөздер жүргізу үшін қолайлы жағдай жасайды.

«Бізде екі жақты байланыстар тұрғысынан алғанда жылдың екінші жартыжылдығы бірқатар іс-шараға толы. Біз Көкшетауда Аймақаралық ынтымақтастық форумын жоғары дәрежеде өткізе аламыз деп үміттенеміз. Сондай-ақ Сауда-экономикалық ынтымақтастық жөніндегі үкіметаралық комиссияның отырысын қоса алғанда, басқа да іс-шаралар өз деңгейінде өтетініне сенімдіміз», - деп атап өтті С. Лавров.

«Федерация Кеңесінің Төрағасы Валентина Матвиенконың Қазақстанға сапарын қоса алғанда, бірқатар сапарлар жоспарланған. Әрине, біздің министрліктер БҰҰ, ЕҚЫҰ және басқа да халықаралық ұйымдардың күн тәртібіне шығарылатын мәселелерді үнемі тексеріп отырады. Олардың қатарында Еуразиялық экономикалық интеграция, ТМД қызметі, ҰҚШҰ тақырыбы да бар», -деді РФ СІМ басшысы.