+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Маңғыстаудағы шағын қалашықта кинотеатр ашылады

2019 жылғы 7 желтоқсан 22:42
Бөлісіңіз:
Маңғыстаудағы шағын қалашықта кинотеатр ашылады

АҚТАУ. ҚазАқпарат - Түпқараған ауданы Форт-Шевченко қаласында кинотеатрдың құрылысы қарқынды жүруде, деп хабарлайды ҚазАқпарат тілшісі.

Ұқсас жаңалықтар
Павлодарлық балалар театры республикалық байқауда бас жүлде жеңіп алды Қазақстандық би студиясы Мәскеуде өткен фестивальде жеңімпаз атанды Абайға 175 жыл: Семейде мерейтойға дайындық барысы пысықталды

Қала орталығындағы бұрынғы «Жұмыспен қамту орталығы» ғимараты ішінен «Жалын» кинотеатрлар желісі жақын арада халықтың игілігіне беріледі.

Бұл облыс көлемінде аудандар арасында алғаш ашылатын кинотеатр болмақ. Жоба мемлекеттік-жекешелік әріптестік негізінде жүзеге асуда. Ол аз уақыт ішінде тұсауын кесіп, 8 мыңға жуық тұрғыны бар шағын қаланың тұрғындарын қуантпақ және жалпы аудан көрермендеріне тарту жасамақ. Кинотеатрда 150-160 орындық болады.

«Құрылыс кезінде 10 адам, құрылыс бітіп, ашылған соң 10 адамды жұмыспен қамту көзделіп отыр. Ішкі залында металл құрастыру жұмыстары бітсе, ертең ағаштармен қаптау, қабырғаларын сәндеу жұмыстары жүреді. Орындықтары сәнді, заманауи техникалар орнатылады. 16 желтоқсанда сынақтан өткізіп, жылдың аяғына дейін бітіруді жоспарлап отырмыз», - деді аудан әкімі Айдос Хамиев.

Нұр-Сұлтан, Алматы, Москва, тіпті Нью-Йорктың кинотеатрларында көрсетіліп жатқан алғашқы көрсетілімдер жіберілмек. Сонымен қатар, қазақ, орыс, ағылшын тілдерінде кино көрсету де жоспарда бар.

Сондай-ақ, болашақта кинофестивальдер өткізіп, елімізге танымал қонақтарды шақыру көзделіп отыр.

Форт-Шевченко қаласында бұрын 1999 жылға дейін «Зарья» кинотеатры жұмыс істеген.

Біздің каналымызға жазылыңыз:

Бөлісіңіз:

Автор:

Ләйлім Әлім

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанат Қапалбаева
Жанат Қапалбаева
954-059

MURAǴAT