Маңғыстау облысында сауда орталықтарының жұмыс уақыты ұзартылмайды

None
None
АҚТАУ. ҚазАқпарат - Ведомствоаралық комиссияның отырысында сауда үйлерінің жұмысын сенбі күні сағат 22:00-ге дейін ұзарту туралы облыстың бас санитар дәрігерінің ұсынысы қабылданбады. Бұл туралы Санитариялық-эпидемиологиялық бақылау департаментінің баспасөз қызметінен мәлім етті.

Бұған дейін Ғазиз Надуев Маңғыстау облысы коронавирус инфекциясының таралу қарқыны бойынша «жасыл» аймақта болуына орай ауданы 500 шаршы метрден асатын сауда, ойын-сауық, сауда үйлері мен орталықтарының жұмыс кестесін 22:00-ге дейін ұзарту туралы ұсыныс жасаған болатын.

Бассанитарлық дәрігердің ұсынысы қабылданбады. Карантин талаптарына сай сауда орталықтарының жұмыс кестесі өзгеріссіз қалады. Бұл нысандардың кестесі жұмыс күндері - 22:00-ге дейін, сенбіде - 17: 00-ге дейін. Жексенбі - демалыс.



Соңғы жаңалықтар