Маңғыстау облысында 13 мыңға жуық адам коронавирус екпесін алды

None
None
АҚТАУ. ҚазАқпарат - Маңғыстауда 12 957 адамға коронавирусқа қарсы вакцина салынды. Екпе кабинеттері көбейіп, 28-ге жетті, деп хабарлайды ҚазАқпарат тілшісі.

Маңғыстау облыстық денсаулық сақтау басқармасы баспасөз қызметінің хабарлауынша, 18 сәуірде 145 адам вакцинаның І компонентімен егілген. Атап айтқанда, «Нейрон» медициналық клиникасында - 15, ҚХА ғимаратында - 30, Мұнайлы орталық аудандық ауруханасында -20, Маңғыстау аудандық орталық ауруханасында - 5, Түпқараған орталық аудандық ауруханасында - 5, Қарақия аудандық орталық ауруханасында -15, №1 Ақтау қалалық емханасында - 25, «Сенім» медициналық клиникасында - 40, «Ясин» медициналық орталығында - 30.

Вакцинаның ІІ компонентімен Мұнайлы орталық аудандық ауруханасында – 20 адам егілді.

Осылайша, облыс бойынша вакцинациялау басталғалы І компонентпен егілгендердің жалпы саны 12 957-ге жетті. Вакциналардың қалғаны 7 210 доза.

ІІ компонентпен 1 462 адам егілді, вакциналардың қалғаны 7 835 доза.

«Кез келген тұрғын өзі тұратын жеріне қарамастан, кез келгенін егу кабинетінде вакцина салдыра алады. Вакцинация дәрігердің алдын ала медициналық тексеруінен кейін ғана жүргізіледі. Екпе алу тегін», делінген хабарламада.


Соңғы жаңалықтар