Маңғыстау облыстық энергетика басқармасына жаңа басшы тағайындалды
Айдос Хамиев 1985 жылы Маңғыстау облысы Ақтау қаласында туған. Білімі жоғары.
Алғашқы еңбек жолын 2005 жылы «Бисентин» ЖШС құрылыс шебері болып бастады.
2008- 2009 жылдары Маңғыстау облысының мемлекеттік сәулет-құрылыс бақылау басқармасының тұрғын үй құрылысына үлестік қатысуды реттеу бөлімінің бас маманы қызметін атқарған.
2010–2012 жылдары Қазақстан Республикасы Құрылыс және тұрғын үй-коммуналдық шаруашылық істері агенттігінде сарапшы, бас сарапшы, басқарма басшысы болды.
2012 жылы Құрылыс және тұрғын үй-коммуналдық шаруашылық істері агенттігінің Солтүстік Қазақстан облысы бойынша мемлекеттік сәулет-құрылыс бақылау және лицензиялау департаменті директорының орынбасары болып тағайындалды.
2012 – 2013 жылдары - ҚР Құрылыс және тұрғын үй-коммуналдық шаруашылық істері агенттігінің Жамбыл облысы бойынша мемлекеттік сәулет-құрылыс бақылау және лицензиялау департаментінің директоры.
2013-2015 жылдары - Көкшетау қаласындағы ҚР Аймақтық даму министрлігінің құрылыс және тұрғын үй-коммуналдық шаруашылығы істері комитетінің Ақмола облысы бойынша мемлекеттік сәулет-құрылысын бақылау және лицензиялау департаментінің басшысы.
2015-2017 жылдары Ақмола облысы Зеренді ауданы әкімінің орынбасары қызметін атқарды.
2017 жылдың тамыз айында Маңғыстау облысының құрылыс басқармасының басшысы болып тағайындалған.
2018 жыл 5 тамыздан бастап Түпқараған ауданының әкімі қызметін атқарып келді.