+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Мақтааралда 500 үй салынып жатқан құрылыс алаңы дезинфекцияланды

2020 жылғы 22 мамыр 12:51
Бөлісіңіз:
Мақтааралда 500 үй салынып жатқан құрылыс алаңы дезинфекцияланды

МАҚТААРАЛ. ҚазАқпарат - Түркістан облысы Мақтаарал ауданы Мырзакент кентіндегі құрылыс алаңы дезинфекцияланды, деп хабарлайды ҚазАқпарат.

Өңірлік коммуникация қызметінің мәліметінше, бұл шаралар әртүрлі инфекциялық аурулардың ел ішінде таралуына жол бермей, далалы жерде кездесетін қан сорғыш жәндіктерді жоюға бағытталған.

Бұл туралы аудандық тауарлар мен көрсетілетін қызметтердің сапасы мен қауіпсіздігін бақылау басқармасының бөлім басшысы Гаухар Сәулебекова мәлімдеді.

«Қазіргі таңда Мырзакент кентінде жаңа елді мекен бой көтеріп, онда 500-ден астам үй салынып жатқаны баршаға белгілі. Осыған байланысты қауіп-қатердің алдын алу үшін дезинфекциялап жатырмыз. Далалы жерлерде кене, бүрге сияқты зиянды жәндіктер жиі кездесетіні белгілі. Сондықтан құрылысшылардың және болашақта осында көшіп келетін халықтың қауіпсіздігі үшін профилактикалық шаралар қажет», – дейді Гаухар Шырынқызы.

Құрылыс алаңына арнайы дайындалған дәріні шашу үшін 3 маман жұмылдырылған.

Айта кетейік, бұған дейін арнайы құрал-жабдықпен қамтамасыз етілген қызметкерлер су басқан Фирдоуси және Өргебас ауылдарында залалсыздандыру жұмысын жүргізген болатын.

Алдағы күндері қалған елді мекендерде де профилактикалық шаралар қолға алынады.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT