+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Мағзұм Мырзағалиев Шарын шатқалының туристік болашағы туралы пікір білдірді

2021 жылғы 14 маусым 14:00
Бөлісіңіз:
Мағзұм Мырзағалиев Шарын шатқалының туристік болашағы туралы пікір білдірді

НҰР-СҰЛТАН. ҚазАқпарат – Экология, геология және табиғи ресрурстар министрі Мағзұм Мырзағалиевтің ел алдындағы есептік кездесуі кезінде Шарын шатқалындағы қайғылы оқиға туралы сұрақ қойылды, деп хабарлайды ҚазАқпарат тілшісі.

Ұқсас жаңалықтар
«Алтын Емелде» заманауи визит-орталық пайда болады

«Алматы облысында экологиялық турзимді дамытудың бірнеше жобасы талқыланып жатқанын біліп отырмыз. Соның ішінде Шарын шатқалы да бар. Ол жерде бір айда екі рет сел жүріп, бірі қайғылы оқиғамен аяқталды. Қазір Шарын шатқалы тартымды туристік аумақтан өлім қаупі бар нысанға айналып отыр. Министрлік қолға алып отырған инвестициялық жобадан неге бас тартпайды», - деп сұрады сауал иесі.

Мағзұм Мырзағалиев жауабында Шарын шатқалындағы селдің ықтимал жолына ешкім нысан салуды жоспарламағанын ескертті.

«Шарындағы инфрақұрлымыға келетін болсақ, егер мұқият зерттеген болсаңыз, жобаланып отырған визит орталық пен этноауыл, сауда дүргіршектері мен өзге нысандар шатқалдың ішіне салынғалы жатқан жоқ. Бұл нысандар үстіңгі алаңда салынады. Ол жерде қазір автокөлік тұрағы тұр», - еді министр.

Сондай-ақ, ол аталмыш жоба бойынша қоғамдық тыңдау өтетінін, барлық ескертпелерді сол жерде айтып, түсініксіз сұрақтарға сол жерде жауап алуға болтанын түсіндірді.

«Бұл мәселе бойынша қоғамдық тыңдау болады. Сол кезде осы мәселелерді қарауға болады», - деп қайырды Мағзұм Мырзағалиев.

Есептік кездесу барысында ведомство басшысы мемлекет басшысының тапсырмасы бойынша министрлік экологиялық туризмді дамытуға күш салып жатқанын атаған болатын. Атап айтсақ, Алматы облысының 4 ірі ұлттық паркінде бірнеше инвестициялық жобаларды іске асыру көзделген. Әр жоба бойынша инвесторлар бекітілген көрінеді. Олар:

- «Көлсай көлдері» мемлекеттік ұлттық табиғи паркі бойынша – «Атырау-Рент» ЖШС»;

- «Шарын» мемлекеттік ұлттық табиғи паркі бойынша - QazaqGeography республикалық қоғамдық бірлестігі

- «Алтын Емел» мемлекеттік ұлттық табиғи паркі бойынша – QazaqGeografy республикалық қоғамдық бірлестігі

- «Іле-Алатау» мемлекеттік ұлттық табиғи паркі бойынша – «Туранга Групп» ЖШС.

«Алматы өңірінің ұлттық парктері бойынша 11 заманауи визит-орталық, 5 эко-қонақ үй, 28 глэмпинг, 8 Кэмпинг, 4 этно-ауыл салу көзделіп отыр. Осы нысандарға жалпы көлемі 31,5 млрд теңге жеке инвестиция тартылады. Ұлттық парктердің рекреациялық жүктемесінің нормаларын ескерсек, туристердің күтілетін ағыны 2 млн адам болмақ.

Қазіргі таңда 3 мемлекеттік ұлттық табиғи паркте қажетті инфрақұрылымның құрылысы басталды. «Іле-Алатау» ұлттық паркінде «Аюсай» визит-орталығы ашылды. Визит-орталықтың айналасында соқпақтар тазартылып, туристерге ыңғайлы болу үшін өзенге көпір төселді. Волонтерлер эко-мәдениет бойынша оқыту жүргізуде», - деді министр есептік кездесуде.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT