Мағзұм Мырзағалиев экология жол картасы қандай нәтижеге жеткізетінін айтты
«Өңірлерде экологиялық проблемаларды шешу кешенді шараларды және едәуір уақытты талап ететінін ескере отырып, 17 жол картасында көрсетілген іс-шаралардың толыққанды орындалуы бірқатар оң нәтижеге әкеледі. Атап айтқанда 10 қалада атмосфераның ластану индексі жоғары деңгейден орташа деңгейге дейін төмендейді. Қалдықтарды қайта өңдеу деңгейін 15%-дан 30%-ға дейін жеткізуге, 24 жаңа полигонды салу және толып кеткен бес 5 полигонды қалпына келтіруге және жоюға жол ашады», - деді министр Үкімет отырысында.
Оның айтуынша, бұл құжат аясында ежелден ластанған жерлерді қалпына келтіруге және жоюға, 7 жаңа кәріз тазарту кешенін салу және 12 кәріз тазарту кешенін қайта жаңғыртуға болады.
Одан бөлек елді мекендерде 15 млн және орман алқаптарында 2 млрд ағаш егуге мүмкіндік туады.
Министр осы жоспарды орындау үшін Үкімет басшысынан әкімдерге осы шаралардың іске асырылуын тапсыруды сұрады.