17:37, 20 Шілде 2017 | GMT +6
«Ледокол-2» Көгілдір шығанақта жауынгерлік кезекшілікке тұрды - ШҚО
ӨСКЕМЕН. ҚазАқпарат - «Ледокол-2» рейдтік мұзжарғыш-өрт сөндіру кемесі жауынгерлік дайындыққа келтіріліп, Өскемендегі «Аблакетка» айлағынан Көк шығанаққа ауыстырылды, деп хабарлайды «ҚазАқпарат» ХАА тілшісі.
ТЖ департаментінде түсіндіргендей, Бұқтырма су қоймасының жағалауында өрт сөндіру бөлімдерінен алыс қашықтықта көптеген тұрғын үй нысандары орналасқан. Олардың ішінде демалыс орындары, балалар спорт лагерьлері, саяжай кооперативтері, елді мекендер мен орман алқаптары бар. Оларға күрделі бедерлі ойлы-қырлы жерлермен кіреді, сондықтан өрт техникасының қозғалысына кедергі келтіріп, көп уақыт алады. Бұдан бөлек, демалыс аймақтарының кейбір жерлеріне су жолымен ғана бара алады.
Ауыстырылған кеме жолы қиын учаскелерді тілсіз жаудан қорғайтын болады. Осы мақсатта кеме төрт лафеттік ұңғымен жабдықталған.
«Ледокол 2» Көгілдір шығанақ қоғамдық демалыс аймағында қыркүйектің соңына дейін тәулік бойы кезекшілік етеді.