Лавров Қазақстанды БҰҰ Қауіпсіздік Кеңесіндегі табысты жұмысымен құттықтады
«Сізді Мәскеуде көргеніме қуаныштымын. Сізді, Бейбіт Бәкірұлы, Қазақстан Республикасының Сыртқы істер министрі болып тағайындалуыңызбен тағы да құттықтаймын», - деді С. Лавров қазақстандық елшіге.
Ресейлік министр екі елдің басшылары бекітетін келісімдер аясында Қазақстан мен Ресей ынтымақтастығын, стратегиялық серіктестігін нығайту жұмыстарын бірлесе жалғастыратындарына сенім білдірді.
«Сыртқы саяси үйлестіру туралы айта келе, қазақстандық әріптестерді 2017-2018 жылдары БҰҰ Қауіпсіздік Кеңесінің жұмысына тұрақты емес мүше ретінде табысты атсалысуымен құттықтаймын. Сирия бойынша жоғары деңгейлі халықаралық кездесулерде достарымыздың көрсеткен көмегін жоғары бағалаймыз. Кезекті кездесу Астанада келесі айдың басында өтеді.
Қазақстанның Ақтау қаласында жиырма жылдық келіссөздерден кейін Каспийдің құқықтық мәртебесі туралы Конвенцияға қол қойылуымен де құттықтаймыз», - деп атап өтті Сергей Лавров.
Автор: Медет Ахметов