+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

Қызылордалық кәсіпкерлер иелігіндегі ғимараттарды карантин үшін босатып бермек

2020 жылғы 2 сәуір 04:37
Бөлісіңіз:
Қызылордалық кәсіпкерлер иелігіндегі ғимараттарды карантин үшін босатып бермек

ҚЫЗЫЛОРДА. ҚазАқпарат - Қызылордалық кәсіпкерлер иелігіндегі ғимараттарды карантиндегі науқастарды емдеу үшін босатып беретінін жариялады, деп хабарлайды Қазақпарат тілшісі.

Бұл жөнінде облыстық кәсіпкерлер палатасының директоры Ғалымбек Жақсылықов әлеуметтік желідегі парақшасында хабарлады. Сыр өңіріне белгілі кәсіпкерлер - Қайрат Боранбаев қонақүйін, М.Сәрсенбаев әуежай маңындағы ғимаратты медициналық нысан ретінде уақытша пайдалануға беруге ұйғарым жасаған.

Сондай-ақ, осындай игі бастаманы Q-MED клиникасының директоры Раушан Базарбай жалғастырып алып кетті.

«Абай көшесінің бойында біздің мекемеге қарасты емхана бар. Ол 15 наурыздан бері бос тұр. Емдеу орны медициналық талаптарға сәйкес келеді, онда 35 жатын орын бар. Әр палатада жуынуға арналған қосалқы бөлмелер орналасқан. Бұл орын тұзды шахтамен, өкпе ауруларына нағыз ем болатын, профилактикалық қызметі зор жабдықтармен қамтамасыз етілген. Мұнда одан өзге де қажетті құрал-жабдықтар бар. Осы емхананы қажет болған жағдайда карантиндік науқастарға беруге әзір екенімді жеткіземін», - дейді Раушан Базарбай.

Қазіргі таңда Қызылорда облысында коронавирус жұқтырған 25 адам бар.


Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT