Қызылордада коронавируспен күреске 104 млн теңге бөлінді

Бұл туралы Қызылорда облысының әкімі Гүлшара Әбдіқалықова «Хабар 24» телеарнасының тікелей эфирінде мәлімдеді.

«Коронавирус инфекциясының таралуына байланысты кеселдің алдын алу және жою шараларын жүйелі жүргізу үшін облыстық денсаулық сақтау басқармасына 104 млн теңге бөлінді. Қаржының 12,8 млн теңгесіне мың жарым литр антисептик, 100 дана төсек жабдығы және бетперде сатып алынды», - деді өңір басшысы.

Сонымен бірге, төтенше жағдайларға арналған резервтен 672 млн теңге қаражат қаралып отыр.

Айта кетейік, қазіргі уақытта облыс бойынша инфекция жұқтырғандар саны 26-ға жетті. Оның ішінде Қызылорда қаласында - 6, Жаңақорған ауданында - 16, Қармақшы ауданында - 2, Шиелі ауданында - 2 оқиға тіркелген.

Карантинге жабылған Қызылорда қаласы мен Жаңақорған ауданында блокбекеттер қойылды.