USD 436.29 EUR 492.83
RUB 5.92 CNY 68.48
Jańalyqtar

Қызылордада аса ірі көлемде синтетикалық есірткіні таратып жүрген тұрғын қолға түсті

2021 жылғы 25 қазан 14:52
Бөлісіңіз:
Қызылордада аса ірі көлемде синтетикалық есірткіні таратып жүрген тұрғын қолға түсті

ҚЫЗЫЛОРДА. ҚазАқпарат - Қызылордада аса ірі көлемде синтетикалық есірткі заттарын жасырын таратып жүрген қала тұрғыны қолға түсті, деп хабарлайды ҚазАқпаарт тілшісі. Қызылорда облысы Полиция департаментінің Есірткі қылмысына қарсы іс қимыл басқармасының қызметкерлері 4 қазаннан бастап «Рефлекс-2021» жедел профилактикалық шарасын жүргізіп келеді.

Ұқсас жаңалықтар
Елордада ұйымдасқан қылмыстық топтан 37 келі гашиш тәркіленді Теміртау тұрғыны құрамында есірткі бар таблетканы дүкенде сатып келген Құрамында есірткі бар дәрі-дәрмекті сатқан 3 медқызметкерге іс қозғалды

Аталған шара барысында облыс орталығында аса ірі көлемде синтетикалық «меткатинон», «мефедрон» есірткі заттарын жасырын таратып жүрген қала тұрғыны қолға түсті.

«Күдікті мобильді қосымша арқылы тапсырыс қабылдаған. Оны қала ішіндегі белгілі бір жасырын жерлерге салып отырған. Полицейлер күдіктіні синтетикалық бетбелгі (закладка) қалдырып жатқан жерінен ұстады. Айғақ зат ретінде одан барлығы 72 дана синтетикалық заты бар орама алынды. Аталған дерек бойынша ҚР Қылмыстық кодексінің 297-бабы 3-бөлігінің 3-тармағына сотқа дейінгі тергеп-тексеру басталды. Онда аса iрi мөлшердегі есірткі, психотроптық заттарға, сол тектестерге қатысты жасалған есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу жағдайы көрсетілген», - деп мәлім етті Қызылорда облыстық полиция департаментінің баспасөз қызметінен.

Ведомство мәліметінще, қазіргі таңда күдікті азамат Қызылорда қалалық Полиция басқармасының уақытша ұстау абақтысына қамаққа алынды. Еске салсақ, биыл Қызылорда облысында есірткі бизнесіне қатысты 169 қылмыс анықталды.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT