Қызылордада 105 мыңнан астам адам коронавирусқа қарсы вакцина салдырды

None
None
ҚЫЗЫЛОРДА. ҚазАқпарат - Қызылорда облысында 105 мыңнан астам адам коронавирусқа қарсы вакцина салдырды, деп хабарлайды ҚазАқпарат тілшісі.

Өткен тәулікте облыста 2029 адам қатерлі індетке қарсы екпе қабылдады. Олардың арасында 43 мыңнан астамы облыс орталығында тұрса, қалғаны аудандардың үлесіне тиеді.

Өңірде бүгінде 800 мыңнан астам адам бар. Дәрігерлердің айтуынша, олардың 370 мыңнан астамы екпе қабылдауы тиіс. Бүгінге дейін облыста 105 мыңнан астам адам вакцина қабылдап үлгерді.

«Облыста тұрғындардың вакцина қабылдауына барлық мүмкіндік жасалған. Өңірде осы мақсатта 106 егу пункті, 39 жылжымалы егу бригадасы ашылған. Дәрігерлерден жасақталған бригадалар облыс орталығындағы бірқатар сауда орталықтарында бар», - деп мәлім етті Қызылорда облыстық денсаулық сақтау басқармасынан.

Бұрын екпе қабылдағандар қатарында мемлекеттік қызметкерлер, бюджет саласының өкілдері басым болатын. Қазір жергілікті тұрғындар тарапынан екпе қабылдауға ниет білдірген адамдар қатары көбейіп келеді.


Соңғы жаңалықтар