Қызылордада 10 және 13 жастағы екі бала дарияға батып кетті

None
None
ҚЫЗЫЛОРДА. ҚазАқпарат - Қызылорда облысында 10 және 13 жастағы екі бала Сырдария өзеніне суға батып кетті, деп хабарлайды ҚазАқпарат тілшісі.

Оқиға 11 тамызда елорда уақытымен сағат 19.10-де Сырдария ауданы аумағындағы Қараөзек стансасы маңындағы дария бойында болған. Облыс орталығында тұратын екі бала белгіленбеген аумақта суға шомылған.

«Оқиға орнында облыстық төтенше жағдайлар департаментінің 7 қызметкері 2 техникамен іздестіру шарасын бастап кетті. Әзірге олардың мәйіті табылған жоқ. Бұл жерде полицейлер де қызметін атқарды», - деп мәлім етті Қызылорда облыстық төтенше жағдайлар департаменті өрт сөндіру және авариялық-құтқару жұмыстары қызметінің өкілдері.

Сондай-ақ, бұдан бұрын Қызылордада достарымен суға түскен 22 жастағы жігіт дарияға батып кетті.


Соңғы жаңалықтар