Қызылорда облысында «Pfizer» вакцинасының 11 700 дозасы жеткізілді
Қазірге дейін аталған екпенің 80 пайызы жасөспірімдерге егілсе, 20 пайызын жүкті әйелдер қабылдаған.
«Профилактикалық егу жұмыстарын жүргізу алдында медицина қызметкері екпе салдыратын адамды толық тексерістен өткізеді. Вакцина салдыратын азаматқа немесе оның заңды өкіліне профилактикалық егу, иммундаудан кейінгі ықтимал реакциялар және екпе салдырғаннан кейінгі күтім туралы толық ақпарат беріледі. Әзірге тұрғындардан вакцина алғаннан кейінгі жанама әсерлері туралы шағым келген жоқ», - деді облыстық денсаулық сақтау басқармасы басшысының ана мен бала денсаулығын қорғау жөніндегі орынбасары Мая Мирзанова.
Айта кетейік, «Pfizer» вакцинасын 12 жастан асқан жасөспірімдер, жүктіліктің 16 және 37 аптасы аралығындағы жүкті, лактация кезеңіндегі әйелдер яғни босанғаннан кейін 42 күннен 2 жасқа дейінгі кезеңдегі әйелдер салдыра алады.