Қызылорда облысында көктайғақ салдарынан 43 жол-көлік оқиғасы тіркелді

None
None
ҚЫЗЫЛОРДА. ҚазАқпарат - Қызылорда облысында жолдағы көктайғақ салдарынан соңғы екі күнде 43 жол-көлік оқиғасы тіркелген, деп хабарлайды ҚазАқпарат тілшісі.

Жол апатынан 3 адам қаза тауып, 10-ы дене жарақатын алған. Сондықтан полицейлер жолда абай болуға шақырды.

«Автокөлік жолдарының көктайғақ аумақтары бойынша полицейлер «ҚазАвтоЖол» мекемесі қызметкерлерімен бірге жедел тексерілуде. Сол арқылы көлік құралдарының қауіпсіздік қозғалысы қамтамасыз етілуде. Республикалық маңызы бар жолдардағы қауіпті аймақтарға патрульдік полиция бекеттері қойылды. Жол бойында арнайы 9 автокөлік жұмылдырылып, арнайы материалдар себу жұмыстары жүргізілді. Тұрғындардан сақтық шараларына назар аударуды сұраймыз», - дейді Қызылорда облыстық полиция департаменті бастығының бірінші орынбасары Шамшидин Әмитов.

Сондай-ақ, «Қызылорда-Жалағаш» жолында екі көлік соғылып, бір жолаушы көз жұмды .


Соңғы жаңалықтар