03:15, 26 Шілде 2021 | GMT +6
Қызылорда облысында 57 жастағы ауыл тұрғыны із-түзсіз жоғалып кетті
ҚЫЗЫЛОРДА. ҚазАқпарат - Қызылорда облысының полиция департаменті із-түзсіз кеткен тұрғынға іздеу салды, деп хабарлайды ҚазАқпарат.
Жоғалған адам жайлы ақпарат полиция департаментінің Instagram парақшасында жарияланды.
23 шілде күні сағат 06:00 шамасында Қызылорда облысы Сырдария ауданы Амангелді ауылының 57 жастағы тұрғыны үйінен белгісіз бағытта шығып кетіп, хабар-ошарсыз жоғалған.
1964 жылы туған Нұркамал Әбдікәрімұлы Ибадуллаев - Қызылорда облысы Сырдария ауданының тумасы.
Ерекше белгілері: шашы сарғыш, бойы - 170-175 см, арық денелі, астыңғы және төменгі екі тісі жартылай сынған.
«Жоғалған азамат жөнінде қандай да бір ақпарат анықталған жағдайда Қызылорда облысы полиция департаментінің кезекші бөлімі 29-70-10 телефонына немесе 102 арнасына шұғыл түрде хабарласуды сұраймыз» деп ескертеді полициядан.