13:24, 19 Наурыз 2020 | GMT +6

Қызылорда облысы Жалағаш ауданына жаңа әкім тағайындалды

ҚЫЗЫЛОРДА. ҚазАқпарат - Қызылорда облысы Жалағаш ауданы әкімі қызметіне Асылбек Өмірбекұлы Шәменов келді. Ол бұл қызметке Қазақстан Республикасы Президенті Әкімшілігі мен облыс әкімі және Жалағаш аудандық мәслихатының келісімі негізінде тағайындалды, деп хабарлайды ҚазАқпарат тілшісі.

Асылбек Өмірбекұлы 1978 жылы Жалағаш ауданында дүниеге келген. Абай атындағы Алматы мемлекеттік университетін «Халықаралық туризм», Қорқыт Ата атындағы Қызылорда мемлекеттік университетін «Мұнай-газ кен орындарын игеру» және «Құрылыс» мамандықтары бойынша бітірген.

Еңбек жолын 1999 жылы «Қызылорда интеграция» компаниясының менеджері ретінде бастаған. 2007-2012 жылдары облыстық мемлекеттік сәулет-құрылыс бақылау және энергетика және тұрғын үй-коммуналдық шаруашылық басқармаларында жауапты қызметтер атқарған.

2012-2018 жылдары Қызылорда облысының энергетика және тұрғын үй-коммуналдық шаруашылық басқармасы басшысының орынбасары, Қызылорда қаласы әкімінің орынбасары, 2018 жылдың мамыр айынан бастап осы кезге дейін Қызылорда облысының жұмылдыру дайындығы басқармасының басшысы лауазымын атқарып келді.

Тегтер:

Қызылорда Аймақ Қызылорда облысы Тағайындау Жергілікті органдар Әкім

Соңғы жаңалықтар

Одан да көп жаңалықтар біздің Телеграм-арнамызда!