17:15, 04 Қаңтар 2017 | GMT +6
Қытайлық шенеунік бастығы мен әріптесін атып тастады
АСТАНА. ҚазАқпарат - Қытайдағы Паньчжихуа қаласының мэрі (Сычуань провинциясы) Ли Цзяньцинь және компартия қалалық комитетінің хатшысы Чжан Янь қастандық салдарынан жарақат алды, деп хабарлайды Синьхуа агенттігі жергілікті билікке сілтеме жасап.
Мәлімделгендей, жерді пайдалану және табиғи ресурстар басқармасының басшысы Чэнь Чжуншу оларға оқ жаудырған. Шабуылдан кейін әлгі азамат өз-өзіне қол жұмсап, ажал құшты. Оқиға жергілікті көрме кешеніндегі кездесу кезінде орын алды.