08:24, 16 Қыркүйек 2021 | GMT +6
Қытайдың оңтүстік-батысында 6 балдық жер сілкінісі болды
БЕЙЖІҢ. ҚазАқпарат – Бейсенбі күні таңертең Қытайдың оңтүстік-батысындағы Сычуань провинциясында 6 балдық жер сілкінісі болды, деп хабарлайды ҚазАқпараттың меншікті тілшісі ҚХР-дың сейсмология қызметіне сілтеме жасап.
Жерасты дүмпуі жергілікті уақыт бойынша сағат 04:33-те тіркелген.
Сейсмологтардың мәліметінше, жер сілкінісінің эпицентрі Сычуань провинциясының Лусянь уезінде (Оңтүстік-Батыс Қытай) 10 км тереңдікте орналасқан.
Жергілікті БАҚ-тың хабарлауынша, жерасты дүмпуі Қытайдың ірі мегаполисі Чунцин қаласында сезілген.
Ықтимал бүліну мен зардап шеккендер туралы мәлімет тараған жоқ. Сычуань уезіне 1 миллионнан астам халқы бар 20-ға жуық елді мекен қарайды.
Жер сілкінісі болған жерге апатты-құтқару қызметі жіберілді.