Қытайдағы коронавирус пойызбен жүк тасымалдауға еш әсер етпейді - Қайрат Сауырбаев

«Бұл мәселе негізінде жолаушылар тасымалдауға қатысты. Біз жолаушылардың қауіпсіздігін қамтамасыз етуіміз керек. Осы мақсатта ҚТЖ-да арнайы штаб құрылды. Бізде Қытайға баратын екі пойыз бар. Біз жолаушылардың да, қызметшілердің де қауіпсіздігін қамтамасыз ету шараларын ұйымдастырамыз. Ал жүк тасымалдауға қатысты ешқандай мәселе жоқ», - дейді Қайрат Сауырбаев.

Ол министрлікке Қытайға баратын жолаушылар пойыздарын уақытша тоқтату туралы ұсыныс айтылып отырғанына тоқталды.

«Достық» және «Алтын көл» станцияларынан Қытайға қарай екі пойыз жүреді. Біз министрлікке жолаушылардың аз болуына байланысты пойызды уақытша тоқтата тұру туралы ұсыныс айттық. Мендегі мәлімет бойынша, «Достық» станциясынан 8-9 адам отырса, «Алтын көл» станциясынан 35-36 адам отырады. Осы себепті екі жолаушылар пойызын уақытша тоқтатқымыз келеді«, - дейді ол.