01:33, 23 Наурыз 2020 | GMT +6
Қырғызстанға ем алуға барған науқас балалар 24 наурызда елге жеткізіледі
АТЫРАУ. ҚазАқпарат – Қырғызстанда науқас баласымен елге қайта алмай қалған аналар 24 наурызда Атырауға жеткізілетін болды, деп хабарлайды ҚазАқпарат.
Айта кетейік, бұған дейін ҚР Сыртқы істер министрлігі балалары сал ауруына шалдыққан атыраулық тоғыз әйел Бішкекте қалып қойғанын хабарлаған еді. Олардың бәрі Қырғызстанға ем алуға барған. Бірақ олар үйге қайтамыз деп отырған рейс кейінге қалды. Сондықтан балалар мен аналарды әскери авиация бортымен елге жеткізу жоспарланды.
«Қазақстанның Қырғызстандағы елшілігінің қызметкері Жасұлан Ханалиев бізбен үнемі байланысып отырды. Ол әскери ұшақ Бішкек әуежайына 23 наурызда ұшып келетінін хабарлады. Ал 24 наурызда біз үйімізге жетеміз. Бортта біздің жанымызда дәрігер болады», - деп хабарлады бір баланың анасы Гүлжан Құсайынова.