Қырғызстанда Жогорку Кеңеш төрағасы мен Үкімет басшысы сайланды
Садыр Жапаров Қырғызстанның премьер-министр міндетін атқарушы болып сайланды . Бұл туралы шешім «Достук» қонақүйінде өткен Жогорку Кеңештің бүгінгі кезектен тыс отырысында қабылданды. Отырысқа 67 депутат қатысты.
Отырыста бұрынғы премьер-министр Кубатбек Боронов отставкаға кеткені жария етілді.
Еске сала кетсек, Садыр Жапаров 2013 жылы Қаракөлде митинг ұйымдастырғаны және өңір губернаторын кепілге алғаны үшін 2018 жылы 11, 5 жылға бас бостандығынан айырылған. Ол бүгін түрмеден босатылды.
Сонымен қатар, Жогорку Кеңеш спикері болып Мыктыбек Абдылдаев сайланды .
Парламенттің жаңа төрағасы кезектен тыс отырыс барысында сайланды. Мыктыбек Абдылдаев «Бир Бол» фракциясының депутаты.
Бұрынғы парламент спикері Дастанбек Жумабеков те отставкаға кетті.