+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Қырғыз азаматтары Қазақстан шекарасынан заңсыз өтуге тырысты

2020 жылғы 17 қазан 15:35
Бөлісіңіз:
Қырғыз азаматтары Қазақстан шекарасынан заңсыз өтуге тырысты

ҚАРАСУ. ҚазАқпарат - Жамбыл облысының Қарасу бекетінде мемлекеттік шекараны заңсыз кесіп өту әрекетінің жолы кесілді, деп хабарлайды ҚазАқпарат Ұлттық қауіпсіздік комитетінің баспасөз қызметіне сілтеме жасап.

2020 жылғы 15 қазанда Шекара қызметінің Жамбыл облысы бойынша департаментінің «Қарасу» өткізу пунктінде шекарашылар ҚР мемлекеттік шекарасын заңсыз кесіп өту әрекетіне жол бермеді.

«Шекара жасағы «Мерседес-бенц» автомашинасын тексеру барысында көлік салонынан паспорт бақылауынан жасырынған және шекараны тіркеусіз кесіп өтуге тырысқан Қырғыз Республикасының 6 азаматын тапты» деп хабарлайды ҰҚК.

Автомашина жүргізушісі мен Қырғызстанның 6 азаматы ұсталып, Қазақстан Республикасының мемлекеттік шекарасын заңсыз кесіп өтуге әрекет жасағаны үшін қылмыстық іс қозғалды.

Бұл жыл басынан бері карантин жағдайында шекара қызметінің әскери қызметшілері тоқтатқан шекараны заңсыз кесіп өтудің алғашқы әрекеті емес екенін атап өту керек.

Қалыптасқан жағдайды ескере отырып, шекарашылар мемлекеттік шекараны бұзушыларды анықтау мақсатында мемлекеттік шекарадағы бақылау іс-шараларын күшейтті.


Біздің каналымызға жазылыңыз:

Бөлісіңіз:

Автор:

Аяулым Алтынбек

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT