11:23, 27 Маусым 2020 | GMT +6
Құтқарушылар Алматы маңы өзендерінде су деңгейі көтерілуі мүмкін екендігін ескертті
НҰР-СҰЛТАН. ҚазАқпарат - 27-28 маусым күндері Алматы қаласының төңірегіндегі таулы аймақтар бөктерінен су жүруі мүмкін. Бұл жайында Алматы қалалық төтенше жағдайлар департаментінен мәлім етті деп хабарлайды ҚазАқпарат тілшісі.
«2020 жылғы 12 маусымдағы Қазгидромет РМК АГҚ №42 ескертуіне байланысты Алматы қалалық ТЖД ескертеді! Жауын-шашынға және оның кей жерлерге мол жауу болжамына байланысты 27-28 маусым аралығында Алматы қаласының іргелес аумағының таулы аймақтарында бөктерлерден су ағынының пайда болуы және өзендерде су деңгейінің көтерілуі мүмкін», -делінген ведмоство таратқан ақпаратта.