+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Құрлықтық хоккей лигасы: «Барыс» латвиялық «Динамодан» жеңіліп қалды

2021 жылғы 17 қыркүйек 00:58
Бөлісіңіз:
Құрлықтық хоккей лигасы: «Барыс» латвиялық «Динамодан» жеңіліп қалды

НҰР-СҰЛТАН. ҚазАқпарат - «Барыс» бүгін Құрлықтық хоккей лигасындағы кезекті ойынын сырт айдында Латвияның «Динамо» (Рига) командасына қарсы өткізді, деп хабарлайды ҚазАқпарат тілшісі.

Ұқсас жаңалықтар
Еркебұлан Малшыұлы Моңғолиядағы күрестен аймақтық лашын атағын жеңіп алды Шымкентте бадминтоннан ел чемпионаты өтеді Бүгін футзалдан Еуропа чемпионатының жеребе рәсімі өтеді: Қазақстан 1-себетте

Бүгінгі кездесу барысында латвиялық хоккейшілер жеңіске жетуге барынша күш салды. Ойын басынан бірнеше қауіпті шабуыл ұйымдастырды.

Нәтижесінде олардың қатарынан Фрэнк Коррадо 12, Себастьян Веннстрём 13-минуттарда мергендік танытты. Бұдан кейін «Барыс» хоккейшілері қарымта шабуылға шықты.

Есесіне үшінші кезеңнің 43-минутында латвиялық командадан Эмиль Пуарье басымдықты арттыра түсті. Ал 52-минутта «Барыс» қорғаушысы Джо Морроу есеп айырмасын қысқартқан еді. Ойынның бітуіне небәрі бір секунд қалғанда Никита Михайлис қақпаны дәл көздеді.

Осылайша «Барыс» қарсыласына 2:3 есебімен жол берді.

Айта кетсек, екі команда бүгінге дейін 25 мәрте шеберлік байқасты. Оның 17-і «Барыстың» басымдығымен аяқталса, қалғанында латвиялық клубтың мерейі үстем болған еді.

Енді «Барыс» 18 қыркүйекте Финляндияның «Йокерит» (Хельсинки) командасымен кездеседі.

Еске салсақ, елордалық клуб алғашқы бес кездесудің небәрі екеуінде ғана жеңіске жетті.

Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT