Күрестен Азия чемпионаты: Қазақстандық балуан қыздар алғашқы жүлдесін жеңіп алды
Атап айтсақ, әйелдер күресінен 50 келі салмақта ел намысын қорғаған Валентина Исламова қола медаль үшін өткен кездесуде вьетнамдық қарсыласын 10:0 есебімен ұтып, үздіктер қатарынан көрінді.
Сондай-ақ, бүгін тағы үш балуан қызымыз қола медаль үшін сынға түседі. Олар - 55 келідегі Марина Зуева, 59 келіде Мәдина Бақбергенова және Эльмира Сыздықова.
Айта кетейік, кеше грек-рим күресінің шеберлері жарысты аяқтап, бүгін әйелдер арасындағы бәсеке басталған болатын. Грек-рим балуандары құрлық додасын бес медальмен аяқтады. Оның біреуі - алтын, біреуі - күміс және үшеуі - қола медаль. Нәтижесінде жалпы есепте 136 ұпаймен үздік үштіктен көрінді.
Азия чемпионатында 190 ұпай жинаған Иран құрамасы көш бастаса, екінші орынды 146 ұпай еншілеген Өзбекстан құрамасы жеңіп алды.