Қуат Хамитов ресейлік спортшыны тұншықтыру әдісімен жеңді

Бұл аралық салмақтағы жекпе-жек Хамитовтың мерзімінен бұрын жеңісімен аяқталды: ол бірінші раундта тұншықтыру әдісімен жеңді.

Бұл - Қуат Хамитовтың кәсіби мансабындағы 19-шы және соңғы төрт жылдағы алғашқы жеңісі. Ахмад- Хан Боков ММА-да бесінші рет сүрінді. Fight Nights Global-дың YouTube ресми каналында жекпе-жектің толық нұсқасы көрсетілді.

32 жасар қазақстандық 2019 жылдың сәуір айында әзербайжандық Нариман Аббасовтан (24-3) жеңіліс тапқаннан кейін рингке шықпаған. Хамитовтың соңғы жеңісіне келетін болсақ, ол 2016 жылдың 16 желтоқсанында болды —сабмишнмен үшінші раундта ресейлік Гаджи Рабадановты жеңді (14-3-1). Осыдан кейін Қуат 2017 жылы ирландиялық Питер Куиллиден (12-5-1) басым түскен еді, бірақ кейіннен бұл жекпе-жектің нәтижесі қайта қаралып, екеуі тең түсті делінді.