10:14, 01 Маусым 2016 | GMT +6
Қуандық Бишімбаев ЭЫДҰ Министрлер Кеңесінің отырысына қатысады
АСТАНА. ҚазАқпарат - Қазақстан Республикасы Ұлттық экономика министрі Қуандық Бишімбаев 2 маусымда Париж қаласындағы (Франция) ЭЫДҰ штаб пәтерінде өтетін 2016 жылғы ЭЫДҰ Министрлер Кеңесі отырысына қатысады, деп хабарлайды ҚР ҰЭМ баспасөз қызметі.
Отырыстың негізгі тақырыбы «Инклюзивті өсу үшін нәтижелілікті көтеру» болып табылады. Отырыс шеңберінде «Инклюзивті және тұрақты өсім үшін әмбебап күн тәртібі: 2030-ға жоспар» және «Инклюзивті өсім үшін сауда және инвестицияларға салымды күшейту» тақырыптарына презентация өткізуді қоса іс-шаралар қатары жоспарланды. Презентация барысында тұрақты даму мақсаттарын еңгізу және мониторингілеу үшін ЭЫДҰ қолдау мүмкіндігін, сондай-ақ инвестициялық болжам және ғаламдық сауда жағдайын қарау жоспарлануда.
Отырыста сонымен қатар ЭЫДҰ Еуразия бәсекеге қабілеттілік бағдарламасы, сондай-ақ ҚР монополияға қарсы заңнамасын ЭЫДҰ халықаралық тәжірибе және стандарттарына сәйкес келтіру мәселелері талқыланатын болады.